29.04.2025 жылТүркістан қаласы әкімдігінің ұйымдастыруымен экологиялық мәдениетті қалыптастыру мақсатында «Өнегелі ұрпақ» атты ауқымды іс-шара өтті. Шараға Көпсалалы индустриалды-техникалық колледжіміздің 100 студенттері мен жас депутаттар белсене қатысты.

Экологиялық бастама аясында қатысушылар Қызылорда тас жолының бойымен өтетін Қарашық өзенінің айналасын тұрмыстық қалдықтардан тазартты. Бұл жұмыстар арқылы жастар табиғатты қорғауға өздерінің азаматтық үлестерін қосты.

Игі шараның негізгі мақсаты – жас ұрпақты қоршаған ортаны аялауға, тазалық пен тәртіпке баулуға, табиғатқа жанашыр болуға және ұрпақтар сабақтастығын дәріптеуге бағытталды.

Қала тұрғындарын табиғатқа бейжай қарамай, Қарашық өзенінің маңын таза ұстауға, қоршаған ортаға жауапкершілікпен қарауға шақырамыз.

Таза қала – ортақ міндет!

 https://www.facebook.com/share/v/18RNR8eZgo/

10-шы сәуір күні өтілген “Қош келдің, Әз-Наурыз!” атты іс-шарада бірлік пен береке, шаттық пен қуаныш қатар өрбіді. Ұлттық ойындар, ән-күй, дәмі тіл үйірер наурыз көже – бәрі де көпшіліктің көңілінен шықты!

Жаңарған жыл баршаңызға жақсылық, молшылық, денсаулық пен табыс әкелсін!

Ұлыстың ұлы күні құтты болсын!

https://www.facebook.com/share/r/1GALCpZfjs/

Қайырымдылық – халқымыздың ең ізгі қасиеттерінің бірі. «Жанашырлыққа – жан риза» дегендей қарттарымыздың жанашыр қамқоршысы болып, аялы алақанын тосып, жүрек жылуын ұсыну, сауабы мол іске әрбір адамның азаматтық парызы.

Осы орайда, “Жастар ресурстық орталығы” КММ-мен бірлесе отырып  2025 жылы 28-сәуір “Ұлы Отан соғысының 80 жылдығы” жобасы аясында колледжіміздің студенттері мүмкіндігі шектеулі қарттарымыздың үйіне барып тазалық жұмыстарын жүргізді.

https://www.facebook.com/share/v/1PNHxR8SmD/

23 сәуір күні Көпсалалы индустриалды-техникалық колледжінде

Облыстық WorldSkills Turkistan–2025 чемпионатының ашылу салтанаты өтті.

Ашылу салтанатында Түркістан облысы Білім басқармасының техникалық және кәсіптік білім беру бөлімінің бас маманы Налжігітова Рысалды Оңғарқызы, Кірпіш қалау бағыты бойынша WorldSkills Қазақстан чемпионатының бас сарапшысы, Семей құрылыс колледжінің аға шебері Макишев Асқар Навиевич, Колледж директоры Абпазов Айдос Кенжеханұлы сөз сөйлеп, қатысушыларға ыстық ықыластарын білдіріп, сәттілік тіледі.

Шара барысында колледж студенттері ән айтып, би билеп, көрерменге көтеріңкі көңіл-күй сыйлады.

Чемпионат аясындағы сайыстар әлі жалғасуда. Барша қатысушыларға сәттілік тілейміз!

https://www.facebook.com/share/v/1AH4RMXCeA/